Die vertellersperspektief-analise. 'n Literatuurteoretiese benadering in die eksegese van die evangelies

Abstract

INLEIDING 1.1 Vertrekpunt: die noodsaak van genre-identifisering Die belangrikste uitgangspunt in die eksegese van enige gedeelte in die Bybel is die oortuiging dat die aard van die genre wat die gedeelte verteenwoordig, die eksegetiese benadering bepaal."Genre" is, breedweg gesien, 'n kollektiewe kategorie van literêre eenhede wat gemeenskaplike karaktertrekke in vorm en inhoud vertoon.Met die uitdrukking "literêre eenhede" bedoel ons hier nie die kleinere "vorm e" (Gattungen) wat binne 'n geheel-konteks kan voorkom nie, maar juis die "teks as geheel" -die "holistiese konteks"."Genre" as die "holistiese konteks" is in die raamwerk van ons onderhawige interesse, dieselfde as die poëtiek van 'n teks, dit wil sê die wyse waarop 'n teks "gemaak", oftewel "aanmekaar gesit" is.(Die herkoms van die woord "poëtiek" is geleë in die Griekse poiein = om te maak.)1.2 'n Evangelie is die produk van die literêre aktiwiteit van 'n redaktor-verteller Die genre "evangelie" is vertelling.Die mees elementêre verskynsels wat die essensie van 'n "vertelling" uitmaak, is in die "evangelievorm" aanwesig.En dit is naamlik 'n verhaal, 'n verteller en 'n tipe leser.Die evangelies is egter nie die produk van die verbeelding (fiksie) nie.Met behulp van onder andere oorgelewerde tradisies, op 'n herinterpreterende en skeppende wyse redaksioneel verwerk, kommunikeer die evangeliste respektiewelik hulle eie teologiese idee deur middel van die verhaalvorm, soos storie-vertellers.1.3 Elke evangelie is 'n geslote "vertelde wéreld" Sodra 'n vertelling geskryf is, staan die teks los van sy historiese skrywer en funksioneer dit as 'n geslote vertelde wéreld met sy eiesoortige argitektoniese ontwerp met intrinsieke harmonieuse kenmerke.Die "geslote wéreld" van 'n vertelling bestaan uit 'n boodskap wat die skrywer as die sender deur middel van 'n verteller aan 'n leser

Cite this work

No public copy is stored for this record, so only the metadata is cited.

Stored only when both papers are in the corpus — 12 citations exist upstream.

Papers that cite the same references — the relational fallback while embeddings are still backfilling.